د کندهار امنیه قوماندان تادین خان وايي، ارغنداب ولسوالۍ کې د پیل شویو عملیاتو په مټ تېرو څلرویشتو ساعتو کې ۷۲ طالبان وژل شوي او ۲۱ نور ټپیان دي.
هغه وايي چې دیادو عملیاتو پر مهال یې د دغې ولسوالۍ له ځینو سیمو څخه طالبان هم پر شا کړي دي.
تادین خان زیاتوي چې عملیاتو کې یې هوايي ځواکونه هم ملتیا کوي.
طالبانو تر اوسه بیا په دې اړه څه نه دي ویلي.
هاخوا دغه ولسوالۍ کې د سختې جګړې له امله زرګونه کورنۍ نسبي امن سیمو ته بېځایه شوي او لا هم د ملکي وګړو د بېځایه کېدو بهیر دوام لري.
بیځایه شوي وايي، ډک کورونه یې تر شا پرېيښي او اوس له سختو ستونزو سره مخ دي.
