د کندز امام صیب ولسوالۍ کې پر سرحدي ځواکونو برید پای ته ورسید.
د روغتیايي سرچېنو له قوله په دې نښتو او چاودنو کې ټول ۴ نظامیان وژل شوي ۲۵ ټپیان دي
د سرچېنې په خبره دغو بریدونو او چاودنو کې ۱۵ ملکي وګړي چې یوه ښځه او پنځه ماشومان دي هم ټپیان دي
وسله والو نن سهار د کندز امام صیب ولسوالۍ کې د سرحدي ځواکونو پر کنډک لومړی موټربم برید وکړ او وروسته یې له افغان ځواکونو سره نښته پیل کړه.
چاودیدونکي توکي په هاموې ټانک کې ځای پر ځای شوي و او ویل کیږي چې په ځينو سرتیرو د خونو چتونه راپریوتي دي
د بریدګرو شمیر له دوو زیات ښودل شوی خو تراوسه یې کره شمیر لا هم نه دی ښودل شوی.
افغان ځواکونه لا هم د سیمې په تصفیه بوخت دي او خبریالانو ته د ورتګ اجازه نه ورکوي.
د برید مسولیت تر اوسه کومې ډلې په غاړه نه دی اخیستی.
