د افغانستان د ولسمشر لومړی مرستیال امرالله صالح، له دغه هېواد پاکستان ته د ۳۲ تنفسي مصنوعي الو قاچاق ردوي او وايي چې هېڅ کومع تنفسي اله نه ده غلا شوې.
هغه خپل ټوېټر کې لیکلي، په کابل او ولایتونو کې د روغتیا وزارت له نوملړ کومه اله ورکه شوې نه ده.
له دې مخکې پژواک خبري اژانس رپوټ ور کړ چې له افغانستان سره مرسته شوې ۳۲ الې پاکستان ته قاچاق شوې دي.
له دې سره تیرو ۲۴ ساعتونو راهېسې د هېواد په کچه د کرونا وایروس ۳۲۴ مثبتې پېښې ثبت شوي دي.
د عامې روغتیا وزارت تازه مالومات چې له رسنیو سره شریک شوي په کې راغلي چې په همدې موده کې بیا د کویډ نولس له امله ۲۰ تنه مړه شوي هم دي.
د وزارت د تازه شمیرو له مخې د ۳۲۴ مثبتو پېښو په ثبت سره هېواد کې پر کرونا ناروغۍ د ټولو اخته کسانو شمیر نهه ویشت نیم زرو ته نږدې شوی دی.
د سرچېنې په لیکنه تر دې دمه د ثبت شویو رسمي شمیرو له مخې په ټول هېواد کې ۶۱۸ تنه د کرونا ناروغۍ له امله مړه شوي دي.
