د افغانستان ملي امنیت شورا نن دوشنبه وايي، تېره اوونۍ په تېرو ۱۹ کلونو کې تر ټولو مرګونې وه.
د ملي امنیت شورا وايي، طالبانو تېره اوونۍ کې د هېواد په ۳۲ ولایتونو کې ۴۲۲ بریدونه کړي چې په کې ۸۴۱ امنیتي سرتېرو ته مرګ ژوبله اوښتې ده.
ملي امنیت شورا وايي، د طالبانو په بریدونو کې ۲۹۱ سرتېري وژل شوي او ۵۵۰ نور ټپيان دي.
له دې سره افغانستان کې د ناټو ملکي استازی وايي د بین الافغاني مذاکراتو د ناکامیدو نښې نه ویني او که ناکامې شي دوی به هغه مهال د طالب زندانیانو لپاره جلا اجنډا ولري.
د ناټو ملکي استازی وايي، که له سولې وروسته حالات سم شي او د ترهګرۍ ګواښ نه وي ناټو په افغانستان کې د پاتې کیدو هیڅ اجنډا نه لري.
