د افغان سیاسونو ترمنځ خپل منځي اختلافات د سولې لپاره خطرناک دي.
د افغانستان د سولې لپاره د امریکا د متحدوایالتونو ځانګړی استازی زلمی خلیلزاد د جرمني له مشهورې اوونیزې دیر شپېګل سره په مرکه کې ویلي،طالبانو سره د امریکا هوکړه ښه خو د افغان سیاسونو ترمنځ اختلافات سولې لپاره خطرناک دي.
خلیل زاد ویلي، طالبانو له دوی سره داسې ژمنې کړي چې پخوا یې کولو ته چمتو نه و.
د خلیل زاد په وینا له القاعده سره اړیکې پرې کول، امریکا ته ګواښ نه پېښول د ترهګریزو ډلو نه ملاتړ، د تاوتریخوالي کمول او بین الافغاني خبرو ته حاضریدل هغه څه دي چې پخوا طالبانو ترې انکار کولو.
د امریکا او طالبانو ترمنځ د فبروري میاشتې په نولسمه نیټه په قطر کې د سولې هوکړه لاسلیک شوه.
