امریکايي ځواکونو نن په هلمند ولایت کې پر طالبانو هوايي برید وکړ.
د امریکايي ځواکونو ویاند ساني لېګټ وايي، نهر سراج ولسوالۍ کې یې دغه دفاعي هوايي برید هغه مهال کړی چې طالبانو د افغان ځواکونو پر پوستې برید وکړ.
امریکايي ځواکونو ویلي، په تېرو ۱۱ ورځو کې دا د دوی لومړنۍ هوايي برید دی.
د امریکايي ځواکونو ویاند، ساني لېګټ زیاته کړې چې د طالبانو مشرانو له نړېوالو سره ژمنه کړې وه چې د تاوتریخوالي کچه به ټيټه ساتي.
لېګټ پر طالبانو غږ کړی چې پر خپلو ژمنو دې ولاړ وي.
لېګټ ویلي، “موږ سولې ته ژمن یو د اړتیا په صورت کې د افغان ځواکونو ملاتړ مو مسئولیت دی.”
