سعودي عربستان د هغو هیوادونو وګړو ته ویزې نه ورکوي چې د کرونا پېښې په کې ثبت شوي.
سعودي عربستان د هغو هېوادونو وګړو ته ویزې نه ورکوي چې د کرونا ویروس پېښې په کې ثبت شوي دي.
د سعودي عربستان له بهرنیو چارو وزارته په خپره شوې خبرپاڼه کې راغلي چې دغه پرېکړه یې د کرونا ویروس د ورتګ مخنیوي په موخه کړې ده.
سعودي په نورو هېوادونو کې خپلو دیپلوماتانو ته لارښوونه کړې، هغه هېوادونه چې کرونا ویروس په کې موجود دی وګړو ته یې عربستان ته د سیاحت او عمرې ادا کولو په موخه د ویزو ورکړه وځنډوي.
په خلیجي هېوادونو کې د سعودي مېشت وګړي هم تر محدود وخت پورې سعودي ته نه شي ستنېدلی.
تر اوسه د نړۍ په ۴۲ هېوادونو کې د کرونا ویروس مثبتې پېښې ثبت شوي چې افغانستان، چین ایران، پاکستان ، عراق، کویټ، بحرین، اماراتو او یوشمېر نور هېوادونه دي.
