اطلاعاتو او کلتور وزارت هند هڅولی چې د بامیانو لیدو ته سیلانیان وهڅوي.
د اطلاعاتو او فرهنګ وزارت بامیانو ولایت ته د ژمني فیستوال پرانیستې ته تللي تر څو د ګرځندویانو پام بامیانو ولایت ته را وګرځوي په داغه فیستوال کې چې بیلابیلې لوبې نندارې ته وړاندې شوې د مسوولینو او سیلانیانو زیات پام یې ځانته واړوه.
د اطلاعاتو فرهنګ وزارت مرستیالې مژګان مصطفوي وویل٬ د سیلانیانو له درکه افغان حکومت یوازې یو سلنه عایدات درلودل چې عمده لامل یې د ویزو برخه کې د بهرنیانو ستونزې وې.
د اطلاعاتو فرهنګ وزارت مرستیالې مژګان مصطفوي داسې وویل (( د اطلاعاتو او کلتور وزارت ټول عواید تر یو فیصد هم ټیټ دي، دا هم غنیمت دی خو څومره چې باید وای هومره نه دي.))
د اطلاعاتو فرهنګ وزارت د سیلانیانو د جذب په موخه له هند هیواد سره خبرې شوي چې بامیانو ته معیاري هوايي ډګر جوړوي او مسقیم پروازونه له هند څخه بامیانو ته وکړي.
مژګان مصطفوي داسې وویل (( هند اماده دی چې د بامیانو و لایت د هوايي ډګر معیاري جوړېدو لګښت هم ورکړي او په دې برخه کې خبرې هم شوې دي. ټول اړوند وزارتونه او ادارې باید په دې برخه کې کار وکړي چې څنګه کولی شو د بامیانو ولایت ته د بهرنیو سیلانیانو پام را واړوو.))
د بامیانو والي وايي٬ د تیر په پرتله سږ کال د سیلانیانو جذب ډير وو چې په ۱۳۹۸ کال کې شاوخوا درې سوه زره سیلانیانو له بامیانو ولایت څخه لیدنه کړې.
د بامیانو والي طاهر زوهیر داسې وویل (( تېرو کلونو کې له بامیانو څخه د سیلانیانو لیدنه کمه وه، خو سږکال یوازې له بند امیر څخه ۲۲۰ زره سیلانیانو لیدنه کړې . خو په ۱۳۹۶ کې دا کچه لوړه وه له بامیانو او بند ا میر څخه ۳۵۰زره کسانو لیدنه کړې وه.))
بامیانو ته هرکال د کورنیو سیلانیانو ترڅنګ بهرني سیلانیان هم راځي خو په کوردننه اساسي ستونزه امنیت ده چې ډیرۍ بهرنیان نه غواړي افغانستان ته راشي.
