امریکا له طالبانو سره د هوکړې په تړاو له خپلو متحدینو سره سلامشورې کوي.
د امریکا دفاع وزیر مارک اسپیر د ناټو غړو هېوادونو د دفاع وزیرانو غونډه کې ویلي چې د طالبانو له لوري د تاوتریخوالي کموالي سره هممهاله به له افغانستان څخه د خپلو ځواکونو د اېستلو بهیر پیل کړي.
غربي رسنیو د مارک له قوله لیکلي چې طالبانو د تاوتریخوالي د کموالي وړاندیز کړی خو منتظر پاتې کیږي، چې هوکړه کې څه راځي او په دې تړاو له خپلو متحدانو سره سلا مشورې کوي.
که طالبانو او امریکا وروستیو بحثونو کې جوړ راشي ټاکل شوې راتلونکې اوونۍ هوکړه لاسلیک شي، بهرني ځواکونه له افغانستان وځي او طالبان به بین الافغاني مذاکرات پيل کوي.
