ځانمرګی برید د سې شنبې په سهار د مارشال محمد قسیم فهیم نظامي اکاډمۍ دروازې ته څیرمه شوې.
امنیتي سرچېنې وايي، ځانمرګي برید کې شپږ تنه وژل شوي او ۱۲ ټپيان دي.
د سرچېنو په خبره وژل شویو کې څلور سرتیري دوه ملکي وګړي او ټپيانو کې پنځه ملکي او اووه سرتېري شامل دي.
دا په کابل کې له مودې وروسته چاودنه ده چې کېږي.
پخوا داسې راپورونه وو چې طالبانو له امریکا سره د تاوتریخوالي راکمولو او په لویو ښارونو کې د لویو بریدونو نه کولو ژمنه کړې ده.
د برید مسولیت تر اوسه کومې ډلې په غاړه نه دی اخیستی.
ولسمشر غني دغه برید غندلی دی.
ولسمشر غني ویلي، “د افغانستان عظیم ولس د تاوتریخوالي د پایته رسېدو، د جګړې د بندېدو، اوربند او د تلپاتې او باعزته سولې چې د افغانستان د اسلامي جمهوریت لومړیتوب هم دی، غوښتونکی دی.”
