د امریکايي ځواکونو یو ویاند، ساني لېګېټ وايي، د ننګرهار شېرزادو ولسوالۍ کې د ملي اردو یوه سرتېري په برید کې دوه امریکایي پوځیان وژل شوي او شپږ نور ټپیان دي.
دغه نښته تېر ماښام هغه مهال شوې چې افغان او بهرنیو ځواکونو د طالبانو خلاف عملیات کول.
د ننګرهار ولایتي شورا مرستیال اجمل عمر بیا شمشاد ته ویلي، تېر ماښام افغان کمانډو او بهرنيو ځواکونو د عملیاتو لپاره شېرزادو ته ورغلي چې د کمانډو یو عسکر په بهرنیو ځواکونو ډزې کړي او اوه امریکایان یې وژلي دي.
عمر وايي، د امریکایانو په ډزو کې بیا یو کمانډو او یو پولیس وژل شوی دی.
