افغان حکومت د سولې لپاره شرط نه لري او په دې اړه یې دريځ غلط اخېستل شوی.
د دولت جوړوونکي ټاکنیز ټیم د کمپاین مشر عمر داوودز وايي، حکومت د سولې د مذاکراتو لپاره هیڅ شرط نه لري او په دې تړاو څرګندونې غلطې تعبیر شوي دي.
داوودزی وروسته له هغې دا څرګندونې کوي، چې د سولې غږ موسسې سره په ناسته کې سیاسي احزابو په حکومت نیوکه وکړه چې د مذاکراتو لپاره شرطونه به د سولې پروسه له خنډ سره مخ کړي.
په دغې ناسته کې سیاسي احزابو ګوته افغان حکومت ونیوله، چې دوی سره مشورې نه کوي او د حکومت شرطونو د سولې خبرې ټکنۍ کړي دي.
د ولسي جرګې غړي بیا په دې برخه کې احزاب او افغان حکومت ګرم بولي، چې د سولې لپاره ځانګړې طرحه نه لري او د خپلو شخصي ګټو په لټه کې دي.
د دولت جوړوونکي ټاکنیز ټیم د کمپاین مشر محمد عمر داوودزي ډاډ وښود چې افغان حکومت په ښکاره ډول د سولې لپاره ۷ ماده ییزه طرحه لري او له کوم شرط پرته د سولې خبرو ته چمتو دی.
د سیاسي احزابو ټینګار دا و، چې لومړی دې سیاسي مخالفتونه یوې خواته کېښودل شي او وروسته دې د افغان حکومت تر چتر لاندې د سولې خبرو لپاره یو پلاوی وټاکل شي.
