بهرنیو ځواکونو د جمعې په شپه د بادغیس ولایت مقر ولسوالۍ کې هوایي برید کړی چې په کې یوه مور او څلور ماشومان یې وژل شوي.
د بادغیس د ولایتي شورا مشر عبدالعظیم بیګ له شمشاد سره خبروکې وویل، دغه د برید په نواباد کلي کې شوی.
هغه وایي، د یوې مور او دوو ماشومانو جسدونه مرکزي روغتون ته راوړل شوي او د دوو نورو ماشومانو جسدونه پرلاره دي.
نوموړی وایي، د وژل شوې مور یو بل ماشوم په نس و.
بیګ دا ډول بمبارۍ غندي او له حکومته غواړي چې نور د دي ډول بریدونو مخه ونیسي.
د بادغیس والي عبدالغفور ملکزی وایي، دغه مرګ ژوبله د طالب قوماندان ملا داوود په کور کې د ماین چاودنې له امله اوښتې ده .
