طالبانو د ۲۰۱۹ کال په درېيمه ربع کې بېساري بريدونه کړي.
د افغانستان د بيارغونې لپاره د امريکا د څار ځانګړې اداره يا سيګار وايي، طالبانو د ۲۰۱۹ کال په وروستيو درې مياشتو کې پر افغان امنيتي او نړيوالو ځواکونو سر بېره پر ملکيانو ۸۲۰۰ بريدونه کړي.
د سيګار د راپور له مخې په ۲۰۱۹ کال کې د طالبانو او نورو وسله والو ډلو بريدونو کې د تېرو کلونو په پرتله شپږ سلنه زياتوالی راغلی و.
سيګار په داسې مهال کې د طالبانو د بريدو له زياتوالي خبر ورکوي، چې قطر کې د امريکا او طالب استازو ترمنځ د سولې خبرې يوه ګونګ حالت کې قرار لري.
د افغانستان بيا رغونې لپاره د امريکا د څار ځانګړې اداره يا سيګار وايي، طالبانو او نورو وسله والو ډلو د ۲۰۱۹ کال په وروستۍ ربع کې د نورو کلونو په پرتله زيات بريدونه تر سره کړي دي.
سيګار وايي، طالبانو د ۲۰۱۹ کال په وروستيو درې مياشتو کې د افغان امنيتي او امريکايي ځواکونو سر بېره پر ملکيانو ۸۲۰۰ بريدونه کړي.
د سيګار راپور يوې برخه کې داسې راغلي (( د ۲۰۱۹ کال د وروستيو درې مياشتو په لړ کې طالبانو او نورو ياغي ډلو د افغان امنيتي او امريکايي ځواکونو سر بېره پر ملکيانو ۸۲۰۰ بريدونه کړي دي، چې دا شمېره د ۲۰۱۰ کال راهيسې د هر کال د وروستيو درې مياشتو څخه زياته ده.))
سيګار همدا راز ويلي، چې په دغې موده کې د افغان امنيتي ځواکونو تلفات هم لوړ شوي دي.
د سيګار راپور کې ویل شوي (( د ۲۰۱۹ کال د وروستيو درې مياشتو په موده کې د افغان امنيتی ځواکونو تلفات هم مخ پر زياتېدو وو.))
سيګار دا راپور په داسې مهال کې خپروي، چې تازه د بښنې نړيوالې ادارې يا امنيسيټي ا نټرنشنل ويلي، چې افغانستان کې د جګړې بيه ملکيان پرې کوي.
