چین افغان سوله کې له هیڅ راز هڅو ډډنه نه کوي.
کابل کې د چین سفیر د ملي امنیت شورا سلاکار ډاکټر حمدالله محب سره د لیدنې پر مهال یو ځل بیا ویلي، چې هېواد یې د افغانستان د سولې له پروسې ملاتړ کوي او په دې برخه کې به خپله همکاري ونه سپموي.
دواړو لوریو همداراز پر امنیتي وضعیت خبرې کړي او ملي امنیت شورا سلاکار هیله ښودلې چې د سولې مذاکرات به مثبته پایله ورکړي.
محب ویلي، ټولې هغه هڅې چې د سولې ټینګښت سره مرسته کوي باید ملاتړ یې وشي.
چین په نړیواله کچه له اقتصادي پلوه یو له پرمختللو هېوادونو او په سیمه کې بیا د پاکستان له ستراتیژیکو ملګرو یادیږي، چې د افغانستان سولې پروسه کې ښه رول لوبولی شي.
