د شفافیت نړیوال بنسټ تازه راپور کې افغانستان یو وار بیا د نړۍ لسو مفسدو هېوادونو لیست کې راغلی.
د شفافیت نړیوال بنسټ تازه خپور شوی راپور وايي چې افغانستان په 2019 کال کې د مالي فساد له امله د نړۍ یو سل اتیا هېوادونو کې یو سلو درې اویایم مقام خپل کړی.
د روڼوالي نړیوال سازمان راپور د نړۍ په یوسلو اتیا هېوادونو کې د ډيموکراټيکو بنسټونو د وضعیت او د فساد شاخصونو په تړاو برابر شوی چې افغانستان د دویم کال لپاره په پرله پسې توګه له سلو شپاړس نمرې ترلاسه کړي.
ډنمارک د اوه اتیا نمرو په اخیستلو سره د دغه فهرست په لومړۍ لیکه کې ځای لري او ورپسې نیوزلنډ، فنلانډ، سنګارپور، سوئدن، سوئیس، ناروې، هالنډ، آلمان او لوګزامبورګ په ترتیب سره په فهرست کې راغلي.
په دغه فهرست کې سوماليا د کمو نمرو په اخیستو سره د نړۍ مفسد هېواد بلل شوی او ورپسې سويلي سوډان، سوریه، یمن او وینزویلا هغه هېوادونه دي چې ورستي مقامونه یې خپل کړي دي.
