ولسمشر غني، د اقتصاد نړیوالې مجمع ناسته کې د ګډون په موخه سویس ته ولاړ.
ولسمشر، چې دغه ناسته کې به یې وینا په افغانستان او سیمه کې پر اقتصادي فرصتونو او ننګونو ورټوله وي، ګډونوال به په افغانستان او سیمه کې اقتصادي همکارۍ ته وهڅوي.
ټاکل شوې ولسمشر د دې غونډې په حاشیه کې د یو شمېر هېوادونو له مشرانو سره وګوري.
د سه شنبه په ورځ د نړۍ یوشمېر سیاستوال او اقتصادي فعالان د سویس داووس په پنځمه نړیواله اقتصادي سرمشریزه کې سره جرګه کېږي.
ولسمشر محمد اشرف غني، هم په دغه ناسته کې د ګډون په موخه سویس ته تللی دی.
په سیمه کې، د هیوادونو ترمنځ اقتصادي همکاري تر بل هروخت خورا اړینه ده، چې ولسمشر غني به د دغو همکاریو پروړاندې خنډونه هم مطرح کړي.
له سپینې ماڼۍ په خپره شوې خبرپاڼه کې بیا ویل شوي چې د امریکا ولسمشر ډونالډ ټرمپ هم په دغه ناسته کې ګډون کوي او د پاکستان، عراق، سویس او اروپایي ټولنې له مشرانو سره به وګوري.
د ډنالډ ترمپ او پاکستاني چارواکو د بحث موضوع ښایي افغان سوله وي.
