د طالبانو د مشر سیاسي مرستیال ملاعبدالغني برادر وایي، امریکا افغانستان ته په راتګ کې ستره اشتباه کړې او دوی مجبور دي چې پر وړاندې یې جګړه وکړي.
ملا برادر له امریکایي پي بي ایس تلویزیون سره په مرکه کې ویلي، که امریکا افغانستان کې پوځي مداخله نه وای کړې ، روانې بدبختۍ، وژنې او د کډوالۍ بحران به نه وای پېښ شوی.
ملا برادر د خپلې مرکې پر دوام ویلي، د امریکا تر وتلو وروسته به افغانان په دې وتوانېږي چې شته ستونزې په خپله حل کړي.
نوموړي دښځو د حقونو په اړه ویلي، په اسلام کې ښځي خپل حقوق لري او دوی د شرعیت په چوکاټ کې هغه حقونه مني چې ښځو ته یې اړتیا ده.
دا په داسې حال کې ده چې د طالبانو د حکومت په وخت کې ښځو د تعلیم او کار حق نه درلود خو دا ډله اوس وایي، د ښځو یو شمیر حقونه یې اوس منلي دي.
