د اوبو او انرژۍ وزارت د اوبو مدیریت برخه کې جدي دی.
اوبو او انرژۍ وزارت د اوبو مدیریت برخه کې د نږدې لس میلیونه ډالرو په ارزښت د نهه پروژو تړونونه لاسلیک کړل.
اوبو او انرژۍ وزارت د اقلیم تغیر او د نفوس زیاتوالی د اوبو پر وړاندې سترې ننګونې بولي چې د اوبو مدیریت ته یې جدي اړتیا پیدا کړې ده.
دغه وزارت په پام کې لري چې راتلونکی کال د اوبو مدیریت په موخه د هېواد په کچه شاوخوا درې سوه لوی او واړه د اوبو بندونه جوړ کړي.
اوبو او انرژۍ وزارت د اوبو مدیریت لپاره پنځه کلن پلان او یو قانون جوړ کړی چې د اوبو مدیریت برخه کې به ګټور تمام شي.
د ځمکې لاندې اوبه هر کال مخ پر ځوړ روانې دي، چې مهار یې جدي اړتیا ده او وزارت هڅې پیل کړي چې مدیریت یې کړي.
اوبو او انرژۍ وزارت د اقلیم بدلون او د نفوس زیاتوالی د اوبو پر وړاندې سترې ننګونې بولي چې د اوبو مدیریت ته یې جدي اړتیا پیدا کړې ده.
اوبو او انرژۍ وزارت د نږدې لس میلیونه ډالرو په ارزښت د ۹ ټولګټو پروژو تړونونه لاسلیک کړل.
د دغه تړونونو له مخې به په هلمند، بلخ، پنجشېر، کاپیسا او نیمروز ولایتونو کې د سیندونو غاړې په اساسي شکل ورغول شي، کانال به جوړ ژورې څاه ګانې به واېستل شي چې په ولسي جرګه کې د خلکو استازو یې ملاتړ وکړ.
د دغه پروژو په پلې کولو به لسګونه خلکو ته د کار زمینه برابره او اقتصادي وضعیت به یې ښه شي، اوبه به مدیریت شي او د سیندونو څنګ ته د کورونو له تخریب به مخنیوی وشي.
