ټاکنو کمیسیون کې باوري سرچینې ویلي چې د دولت ساز ټیم رای زیاتې دي.
په ټاکنو کمیسیون کې یوه باوري سرچینه وايي چې محمد اشرف غني له پنځوس سلنې زیاتې رایې ګټلې دي .
د رایو پر اساس ډاکټر عبدالله عبدالله دویم او ګلبدین حکمتیار درېم مقام لري .
کمیشنران بیا وايي په راتلوونکو دوه ورځو کې به د ټولو ولایتونو بیا شمیرنه او تخنیکي چارې بشپړې شي او نتیجه به اعلان کړي .
خو د ثبات او همپالنې ټیم لا هم د اوه ویشت نورو ولایتونو د رایو بیا شمېرنې باندې ټینګار لري.
د ټاکنو کمیسیون تخنیکي کارونه د بشپړیدو خواته نږدې دي او ممکن په راتلونکو درې ورځو کې لومړنۍ پایلې اعلان کړي ، خو په کمیسیون کې یوې باوري سرچینې شمشاد ته ویلي چې دمحمد اشرف غني د رایو فیصدي له پنځوس سلنې زیاته ده او عبدالله عبدالله او ګلبدین حکمتیار دویم او دریم مقام لري .
بلخوا د ټاکنو کمیسیون ددارالانشا رییس حبیب الرحمان ننګ د ټاکنو کمیسیون کمیشنر اورنګزیب او دثبات او همپالنې ټیم غړي یونس نو اندیش داسې ویلي (( له اوو ولایتونو چې مرکزونه یې تړل شوي و، دشپږو ولایتونو یې کارونه تمام شوي دي او د جم بندۍ مرکز ته رای رسېدلي او له هغې وروسته به لومړنۍ پاېلې اعلان کړو،،،، بغلان نن یا سبا خلاصیږي او کله یې چې رزلشیټونه را ورسیدل بیا به پاېلې اعلان کړو،،، موږ به له ټولو ممکنه لارو کارو واخلو تر څو کمیسیون قانوني لارو ته و ر وګرځوو.))
دکمیسیون دارالانشا وايي یوازې بغلان ولایت دی چې د رایو بیاشمیرنه به یې دپنجشنبې ترناوخته پایته ورسیږي او لامل یې هم د ځینو ټاکنیزو ټیمونو د څارونکو مزاحمت دی .
مرکزي سیسټم ته د پنجشیر ولایت د بیا شمیرل شویو رایو د پورته کولو چارې بشپړې شوي او د پنځوو نورو ولایتونو مواد کمیسیون ته د انتقال په حال کې دي.
ټاکنو کمېسیون بیا هغه ژمنه کې پاتې راغلی چې د دې اوونۍ تر اخره پایلې اعلان کړي، ټاکنو کمېسیون د پایلو اعلان بیا راتلونکي اوونۍ ته وځنډو.
