امریکايي سناتور ډاډه دی چې په افغانستان کې به د امریکايي سرتېرو کمښت بدې پایلې ور نه کړي.
امریکايي سناتور لېنډسي ګراهم چې کابل ته سفر کړی، له افغانستان څخه د ټولو سرتېرو اېستل د امریکا د ګټو خلاف کار بولي.
ګراهام د امریکا له هغې پریکړې هرکلی کړی چې له مخې به یې افغانستان کې د امریکايي سرتیرو شمېر اته زره شپږ سوه ته راکم شي.
امریکا پریکړه کړې چې افغانستان کې به د سرتېرو شمېر ۸۶۰۰ ته راکم کړي؛ هغه پریکړه چې ځینې یې هر کلی کوي خو ځينې یې اندېښمن کړي.
امریکايي سناتور لیندسي ګراهم چې کابل ته راغلی وايي، افغانستان کې د سرتېرو کمېدل به پر روان وضیعت بدې اغېزې ونه کړي؛ خو د ټولو سرتېر پر وتلو خوښ نه برېښي.
لېنډسي ګراهم داسې وویل )) د افغان ځواکونو وړتیا زیاته شوې او د وړتیا زیاتیدو په برخه کې یې زده کړې کړي، د امریکايي ځواکونو شمېر د اړتیا له مخې کمېږي، ولسمشر ترمپ پلان لري چې په څو اونیو کې د ځواکونو شمېر راکم کړي او دا به وضعیت باندې ناسم اغیز و نه کړي))
لېنډسي کابل کې رسنیو سره خبرو کې ویلي چې د ټاکنو د پایلو له اعلان وروسته به افغان حکومت یو پیاوړی ټیم وټاکي چې طالبانو سره خبرې وکړي.
د امریکا سناتور لېنډسي ګراهم داسې وویل (( تمه لرو چې رایې به په حوصلې وشمېرل شي او داسې حکومت به رامنځ ته شي چې ټولو ته د منلو وړ وي او نوی حکومت به د خبرو لپاره یو ټیم رامنځته کړي چې طالبانو سره خبرې وکړي.))
امریکايي سناتور په جلاجلا کتنو کې د ولسمشر غني او اجراییه رییس عبدالله عبدالله سره هم لیدلي او د امریکايي ځواکونو پر وتلو، سولې او پر ټاکنو یې خبرې کړي دي.
