جلال اباد ښار کې چاودنې لس تنه وژلي او اته ویشت ټپيان دي.
د ننګرهار مرکز جلال اباد ښار د دریمې امنیتي حوزې اړوند سیمه کې چاودنې ۱۰ کسان وژلي او ۲۸ نور ټپيان دي.
د والي ویاند عطاءالله خوږیاڼي ویلي، چاودیدونکي توکي یو زرنج موټر سایکل کې ځای په ځای شوي و چې د ملي اردو جلب جذب کاسټر موټر باندې یې چاودنه کړې.
د خوږیاڼي د مالوماتو له مخې چاودنه کې د یو ماشوم په ګډون لس ملکي وګړي وژل شوي او ۲۸ نور ټپيان دي.
ټپيان روغتون ته انتقال شوي او د ځینو ټپيانو وضعیت نازک ښودل شوی دی.
پېښه نن مازیګر ۴:۳۰ بجې شوې ده.
