افغان ولسمشر اشرف غني وايي، تر راتلونکو درېیو اونیو پورې به د افغانستان نوی ولسمشر د لوړې مراسم پر ځای کړي.
ښاغلي غني نن په کابل کې افغان ځواکونو ته د ۱۰۰۰ اپارتمانونو د وېشلو په مراسمو کې وویل، تر راتلونکو درېیو اونیو پورې به نوی ولسمشر چې د اعلانولو مسوولیت د ټاکنو کمیسیون لري، د
لوړې مراسم پرځای کړي.
ولسمشر غني وویل چې غاصبینو یې ځمکې راګرځولي او مستحقو کسانو ته به یې وویشي.
ولسمشر ویلي، یوازې ۳۵ زره جریبه ځمکه په چهارآسیاب ولسوالۍ کې پیدا کړې.
ولسمشر ویلي، هیڅوک له قانون پورته نه دی او د ملکي وګړو د تلفاتو د مخنیوي په تړاو یې چې کومې ژمنې کړي عملي کیږي.
ولسمشر په دې مراسمو کې باور ښودلی چې اوس تر بل هر وخت پر افغان ځواکونو اعتماد پيدا شوی چې ټولو ته د افتخار وړ خبره ده.
