ځینو ولسوالیو کې د خلکو نه همکارۍ د ټاکنو کمیسیون اندېښمن کړی.
ټاکنو کمیسیون اندیښنه لري چې د ځینو ولایتونو ولسوالیو کې خلک چمتو نه دي چې دوی سره په لنډمهالي ماموریت د رای اچونې په ورځ کار وکړي.
ټاکنو کمېسیون وایي، د رای اچونې په ورځ د طالبانو د بریدونو ګواښونو ځینې خلک ډار کړي، چې نه غواړي دوی سره ماموریت وکړي.
کمېسیون پنځه اتیا ولسوالیو ته مواد رسولي او کار کوي چې نورو ولسوالیو ته ټاکنیز مواد ورسوي.
د ټاکنو خپلواک کمیسیون ویاند میرزا محمد حقپرست واییو د کندهار٬ هلمند او پکتیکا ځینو ولسوالیو کې خلک له ټاکنو کمیسیون سره کار کولو ته دټاکنو په ورځ حاضر نه دي.
کیدی شي یو لامل دا وي چې ټاکنو کمېسیون د پآرلماني ټاکنو مامورینو ته پيسې نه دي ورکړي او نور خلک حاضر نه دي چې مفته ګواښ ومني.
له دې سر د ټاکنو کمېسیون ډاډه دی چې د موادو انتقال پروسه یې ښه او له مهالویش سره سمه روانه ده.
ټاکنو ته په نږدې کیدو لا هم د خلکو اندیښنې نه دي رفع شوي چې د درغلیو په تړاو یې لري.
د ټاکنو خپلواک کمیسیون ۵۳۷۳ مرکزونو لپاره چمتوالی نیولی و٬ خو امنیتي اورګانونو یوازې ۴۹۴۲ مرکزونو د امنیت د ټینګښت ډاډ ورکړی او ممکن د ټاکنو په ورځ له دې شمېرې هم ځینې مرکزونه بند پاتې شي.
