د افغان ځواکونو د تیرې اونۍ جګړه د تیرو لسو کلونو په پرتله بې سارې وه.
د دولت د وسله والو مخالفینو پرضد د افغان ځواکونو جګړې زور اخیستی٬ چې د تیرو لسو کلونو په پرتله بې سارې وه.
د ملي دفاع وزارت مالومات ښيي چې په تیره یوه اونۍ کې یې یوولس سوه وسله وال طالبان وژلي دي .
ملي دفاع وزارت چمتووالی لري چې په وسله والو طالبانو به جګړه په شدت سره روانه وي او نورې ولسوالۍ به هم د وسله والو له ولکې خلاصې کړي.
تحلیل دادی چې جګړه هیڅ ډول ګټه دواړو لورو ته نلري٬ او سوله یوازینی لاره د جګړې د مخنیوي ده.
پوځي شنونکي ټینګار کوي، چې لومړی دې د وسله والو په تمویل کوونکو هېوادونو فشار راوړل شي او ملاتړې ډلې دې وځپل شي.
د طالبانو ویاند ذبیح الله مجاهد بیا خپلو کسانو ته دغه شمیر مرګ ژوبله اوښتل نه مني او دا د حکومت او امریکا له خوا تش تبلیغات بولي.
