افغانستان کې د بشرحقونو فعالان له تاوتریخوالي او ګواښونو خوندي نه دي.
افغانستان د بشر حقونو فعالانو لپاره د نړۍ تر ټولو خطرناک هېواد دی.
د بښنې نړیوال سازمان ویلي چې د افغانستان د بشر حقونو فعالان د حکومتي چارواکو او وسله والو ډلو له لوري ځورونو او تاوتریخوالي سره مخ دي.
دغه سازمان دا هم په ډاګه کړي چې افغان حکومت د بشر حقونو پر مدافعینو د بریدونو په څېړلو کې هم پاتې راغلی دی.
سازمان زیاته کړې چې ځینې وخت افغان حکومت د بشر حقونو پر فعالانو بریدونه دروغ بللي او حتا ځینې وختونه یې ترې غوښتي چې د ځانونو خوندي ساتلو لپاره وسلې واخلي.
