شمالي کوریا وايي، له امریکا سره خبرو او شخړې دواړو ته چمتو ده .
پیونګیانګ د خبرو سربیره له پوځي تمریناتو وروسته هم د توغندیو ازمایښتونو ته دوام ورکړی دی.
د شمالي کوریا اټومي ازمایښتونه داسې مهال کیږي چې امریکا اوس هم له شمالي کوریا سره د ښو اړیکو پر درلودلو ټينګار کوي.
شمال کوریا که له امریکا سره خبرو ته چمتو والی ښيي له بل لوري اختلاف ته هم چمتو ده.
د شمالي کوریا بهرنیو چارو وزیر ري یونګ هو وايي، تیره جمعه یې هغه اعلامیه خپره کړه چې له مخې یې ویل شوي شمالي کوریا خبرو او شخړې دواړو ته چمتو ده.
په دغه اعلامیه کې واشنګټن ته د بندیزونو د دوام پر سر خبرداری هم ورکړل شوی دی. پیونګیانګ د دغو خبرو سربیره تازه توغندي هم ازمایښت کړي دی.
هغوی وايي، دغه دوه لنډ واټن ویشتونکي توغندي یې د امریکا او سویلي کوریا ترمنځ له پوځي تمرینونو وروسته ازمایښت کړي دي.
اخوا د امریکا ولسمشر ډونالډ ټرمپ اوس هم په دې ټینګار کوي چې له شمالي کوریا سره یې ډيرې ښې اړیکې دي.
د امریکا ولسمشر، ډونالډ ټرمپ ((نه زه داسې فکر نه کوم، زه فکر کوم چې موږ ډيرې ښې اړیکې لرو. دا حالت هم بدلیږي خو و به ګورو چې څه کیږي. کېم جونګ اون له ما سره ډیرې مستقیمې خبرې وکړې. د هغې خوښيږي چې توغندي ازمایښت کړي خو موږ پرې کله محدودیت نه دی لګولی. زموږ په ګډون ډیر هیوادونه داسې ازمایښتونه کوي.))
د شمالي کوریا او امریکا ترمنځ شخړه اوس له سویلي کوریا سره د پوځي تمرینونو پر سر زیاته شوې ده. د دواړو هیوادونو ترمنځ د ویتنام له ناستې وروسته اړیکې خرابې شوې وې خو شمالي کوریا ته د ټرمپ له سفر وروسته حالات بیرته رغیدلي وو.
