جمعه شپه طالب او امریکایي پلاوي د قطر په دوحه کې د جمعې له دمې وروسته خپلې خبرې پیل کړې.
دا خبرې چې ترډېره په تخنیکي مسایلو ورټولې وې، نږدې شپږ ساعته یې دوام وکړ.
طالب استازو غوښتي، چې د بین الافغاني مذاکراتو لپاره دې د افغان حکومت د چمتو پلاوي نوملړ په ډاګه شي.
سرچېنه وایي، د طالب او امریکایي مرکچیانو ترمنځ پر زیاتو مواردو هوکړه شوې او ښایې ډیر ژر وروستۍ هوکړې ته ورسیږي.
له دې سره ولسمشر غني ټینګار کوي چې له جمهوري نظام پرته، هیواد کې نور نظامونه پایله نه ورکوي.
ولسمشر هرات کې یوې غونډې ته د وینا پرمهال افغانستان کې د مدني آزادیو او جمهوري نظام پر پایښت ټینګار وکړ.
ولسمشر غني وویل، هیڅ ډول تروریستي ډلو ته اجازه نه ورکوي چې د هیواد او ولس امنیت ګډوډ کړي .
