د امریکا دفاع وزارت واي،ي زموږ د ګټو ساتلو لپاره به یوه اندازه سرتیري افغانستان کې پاتې شي.
د امریکا ولسمشر ډونالډ ټرمپ هغو څرګندونو چې ګنې د امریکا له ولسمشریزو ټاکنو وړاندې به له افغانستان خپل سرتیري وباسې د یو شمیر امریکايي چارواکو غبرګونونه یې پارولي.
د این بي سي په نوم امریکايي رسنۍ لیکلي، د ټرمپ دغه ضرب الاجل د امریکا د دفاعي او سیاسي چارواکو غبرګونونه را پارولي دي.
د امریکا دفاع وزارت ویاندې ریبیکا ریباریچ ویلي چې دوی ته د ځواکونو د ایستلو په تړاو امر نه دی شوی.
هغې ویلي، افغانستان کې زموږ سټراټیژي شرایطو پورې تړاو لري. زموږ مناسب اندازه سرتېري به په افغانستان کې پاتې شي چې د هغوی موجودیت د امریکا ګټې خوندي وساتي.
افغانستان کې د امریکايي ځواکونو د قوماندان جنرال سکاټ مېلر په شمول د امریکا پوځي چارواکي غواړي چې باید له افغانستانه ټول ځواکونه و نه ایستل شي.
مېلر غواړي چې یو شمېر ځواکونه دې د داعش او القاعده خلاف جګړې لپاره دلته پاتې شي.
له دې سره د امریکا بهرنیو چارو وزارت ویلي چې د امریکايي ځواکونو وتل شرایطو ته په کتو ترسره کېږي.
