د افغان سولې لپاره د امریکا ځانګړي استازي زلمي خلیلزاد ویلي، امریکا د یوط ښې هوکړې لپاره چمتو ده.
ښاغلي خلیلزاد ویلي، افغانستان کې د امریکا حضور په حالاتو پورې تړاو لري او هر ډول وتل هم په وضعیت پورې مشروط دی.
خلیلزاد په خپل ټویټر لیکلي، طالبانو یوې هوکړې ته د رسیدو لپاره شین څراغ ورکړی.
د خلیلزاد په ټویټر کې راغلي چې امریکا د سولې د هوکړې په لټه کې ده نه د ځواکونو د ویستلو د هوکړې .
ټاکل شوې چې نن به دوحه کې امریکا او طالبان د اتم پړاو خبرې له سره پیل کړي.
له افغانستان او پاکستان د امریکا غوښتنه
افغانستان او پاکستان باید ډاډ ورکړي چې خپله خاوره یو د بل په ضد نه کاروي.
د افغان سولې لپاره د امریکا بهرنیو چارو وزارت ځانګړي استازي زلمي خلیلزاد ویلي، د سولې راوستو لپاره اړتیا ده چې کابل او اسلام اباد ډاډ ورکړي چې له خپلې خاورې یو بل ته ګواښ نه پېښوي.
خلیلزاد د پاکستان له یو شمېر جګپوړو چارواکو سره په لیدنه کې په سوله کې د اسلام اباد پر ونډه او په دې بهیر کې د دغه هېواد پر مثبتو ګامونو غږیدلی.
خلیزاد د جمعې په ورځ پاکستان ته له خپل سفر وروسته قطر ته تللی چې هلته له طالبانو سره پر افغان سوله د خبرو بل پړاو کې ګډون وکړي.
پاکستان کې د امریکا سفارت هم د خلیلزاد خبرې تائید کړي چې ویلي یې دي د تلپاتې سولې لپاره باید له پاکستان او افغانستان داسې باوري تضمینونه واخیستل شي چې د یوه لوري خاوره به هم د بل ګواښلو لپاره نه کارېږي.
