کرزی وايي، ټاکنې په پردو لاسونو کېږي او له ټاکنو مخکې دې سوله وشي.
مخکیني ولسمشر حامد کرزي نن یوې خبري غونډې ته د خبرو په مهال وویل، ټاکنې په پردیو لاسو کېږي اول دې افغانستان کې سوله وشي څو د هغه په خبره افغانان د ټاکنو واک په خپل لاس کې واخلي.
حامد کرزي همداراز د طالبانو او امریکایانو ترمنځ هوکړې ته په اشارې وویل، دا تفرقه ده او له هر څه وړاندې باید د افغان ولس او طالبانو ترمنځ هوکړه وشي له هغه وروسته دې له پردیو چې اشاره یې امریکا ته وه هوکړه وشي.
کرزي له چین او روسیې وغوښتل چې د امریکایانو له مسولانه وتلو وروسته دې د سولې ضمانت ورکړي.
هغه افغان سوله کې د ایران او هند پر رول هم ټینګار وکړ.
کرزي وویل، افغان ولس داسې سوله غواړي چې ټولې افراطي ډلې له منځه لاړې شي د نوموړي په خبره د سولې په نوم دې زموږ واک نورو هېوادونو ته نه ورکول کیږي
