افغان حکومت وايي، امریکا به د افغانستان شرایطو ته د کتو پر اساس په دې هېواد کې د خپلو عسکرو شمېر کموي.
د ارګ ویاند صدیق صدیقي پر ټوېټر لیکلي، د امریکا د بهرنیو چارو وزیر مایک پامپیو کابل ته په وروستي سفر کې له ولسمشر محمد اشرف غني سره په دې اړه خبرې کړي او ډاډ یې ورکړی چې د امریکا د حکومت ستراتيژي د افغانستان په اړه نه ده بدله شوې.
مایک پامپیو د جون په پنځه ویشتمه په کابل کې و او د افغانستان له ولسمشر محمد اشرف غني سره يې خبرې وکړې.
خو په دې وروستیو کې د امریکا د بهرنیو چارو وزیر مایک پومپیو ویلي، ولسمشر ډونلډ ټرمپ غواړي، له ۲۰۲۰ کاله مخکې له افغانستانه د ځواکونو ایستل پیل کړي.
