د کندهار شاه ولیکوټ ولسوالۍ کې د ملي اردو یوه سرتيري دوه بهرني ځواکونه وژلي او یو بل یې ټپي کړی.
یوې امنیتي سرچینې ویلي، پېښه تیره ورځ ماسپښین مهال د شاه ولیکوټ ولسوالۍ په تناجوی پوځي کمپ کې رامنځته شوې ده.
سرچینه وايي، د ملي اردو یاد سرتېری د بهرنیو ځواکونو په ځوابي ډزو کې تپي شوی او له ځان سره یې وړی دی.
له دې سره ناټو هم منلې چې افغانستان کې دوه امریکايي سرتیري وژل شوي دي.
ناټو ويلي، دوه امریکايي سرتیري د جولای په ۲۹ نېټه په افغانستان کې وژل شوي دي.
له دې سره په افغانستان کې روان کال د وژل شویو امریکايي سرتیرو شمېر ۱۲ ته ورسېد.
