سرچینه وايي، د سولې او اعتدال ټاکنیز ټیم کې ژور اختلافات رامنځته شوي او له همدې امله یې تر اوسه غونډه نه ده را بللې.
د ولسمشرۍ ټاکنو کمپاینونو پیل دویمه ده خو د سولې او اعتدال ټيم په پلازمینه کې خپله لومړي کمپایني غونډه نده رابللې.
سرچیني وایي، د ولسمشرۍ په دغه ټاکنیز ټيم کې یو شمېر اختلافات رامنځته شوي او د حل په موخه یې کمپایني غونډې ځنډولې دي.
سرچینه وایي، عطامحمد نور غوښتنه لري چې د ګمپاین په لومړۍ ورځ دې د صدراعظمۍ لپاره اعلان وشي، خو حنیف اتمر یې ورسره نه مني.
د ټيم غړي وايي دغه غوښتنه یونس قانوني او عطا محمد نور کړې، خو محمد حنیف اتمر یې ورسره نه مني.
له دې سره د سولې او اعتدال ټيم وايي د نورو ټيمونو خلاف یې له ولایتونو د کمپاینونو لړې پيل کړې ده.
د سولې او اعتدال ټيم مخکښ غړی عصمت قانع داسې وویل (( د اساسي قانون بر خلاف څه نه شو کولی که ملي اجماع په اساسي قانون کې تعدیل رامنځته کړي، او د قانوني لارې تعدیل ومنل شي بلکل د نظام هغه حالت هم ورسره تغییر ومومي، خو د اساسي قانون له تعاملاتو مخکې موږ هیڅ هم چاسره نه شو کولی.))
عصمت قانع وايي د صدارتي نظام غوښتنه د ټيم لومړي مرستیال یونس قانوني او عطا محمد نور کړې، خو قانون ته په کتو دا غوښتنه حنیف اتمر او د ټیم نورو غړو نه ده منلې.
عصمت قانع داسې وویل (( محمد محقق دا خبرې کړي او دا یې غوښتنه او همدا شان زموږ ورور عطا محمد نور دا خبرې کړي او نورو هم دا غوښتنه کړې ده، دا هغه څه دي چې په نورو ټیمو کې هم دا بحث را منځته شوی داسې نه ده چې یوازې دې زموږ په ټیم کې دا موضوع مطرح شوې وي.))
تر اوسه عطامحمد نور او یونس قانوني په دې تړاو څه نه دي ویلي خو د ولسمشرۍ ټاکنو لپاره د نوماندانو د نوم لیکنې ورځو کې یونس قانوني ویلي و چې دوی به د صدراعظمۍ څوکۍ رامنځ ته کوي.
