کابل کې د روند سبر دفتر باندې وسله وال برید شوی.
د کابل ښار څلورمې حوزې اړوند سیمه کې د روند سبز دفتر ته څېرمه وسله وال برید شوی.
د کورنیو چارو وزارت وايي، لومړی په سیمه کې چاودنه وشوه او بیا څو تنه وسله وال بریدګر ودانۍ ته دننه شول.
نصرت رحیمي وايي، سیمې ته افغان امنیتي ځواکونه رسېدلي او بریدګر یې محاصره کړي دي.
رحیمي زیاته کړې، چې افغان ځواکونو بریدګرو سره په جګړه بوخت دي او ډېر ژر به یې له منځه یوسي خو د اوښتې مرګ ژوبلې په اړه یې څه ونه ویل.
بلخوا د عامې روغتیا وزارت وايي، د پېښې له ځایه ورته شپږ ټپيان ور وړل شوي دي.
د برید مسوولیت تر اوسه کومې وسله والې ډلې نه دی منلی.
