تاجکستان هغه ۸۰ افغان بندیان ازاد او افغان حکومت ته تسلیم کړل چې له کلونو راهیسې په تاجکستان کې زنداني وو.
ګاونډي هېواد تاجکستان کې ډیری دغه افغانان د نشه یې توکو په قاچاق نیول شوي وو.
بهرنیو چارو وزارت وایي، دغه اتیا بندیان د افغانستان او تاجکستان هیوادونو ترمنځ د یوه هوکړه لیک له مخې ازاد او نن په کندز ولایت کې افغان حکومت ته تسلیم شول.
تر دې وړاندې بیا په کندز کې د افغان حکومت لخوا د تاجکستان حکومت ته اته تاجک زندانیان ور تسلیم شول.
د مالوماتو له مخې، اوسمهال په تاجکستان کی شاوخوا ۷۵ نور افغان زندانیان هم شته چې په بیلا بیلو جرمونو نیول شوي دي.
