ټاکل شوې نن شنبه د شپې ناوخته به ولسمشریزو ټاکنو ته د نوماندانو کمپاینونه پيل شي.
امنیتي ارګانونو خبر ورکړی چې د کمپایني غونډو او هڅو د امنیت خوندیتوب لپاره چمتو دي.
د ټاکنو کمېسیون پر طالبانو غږ کړی چې افغانان د خپل نوي زعیم ټاکلو ته ارام پرېږدي او ټاکنیزه پروسه دې له خنډ او ځنډ سره نه مخ کوي.
نن د شپې ناوخته شاوخوا دولس بجې به ټاکنیزې هڅې پیل او د میزان میاشتې تر دریمې به دوام وکړي.
ټاکل شوې چې ولسمشریزې ټاکنې به د میزان په ۶مه وشي، لومړنۍ پایلې به یې د میزان میاشتې په ۲۷مه مالومې شي او وروستۍ پایلې به یې د عقرب یا لړم میاشتې په ۱۶مه اعلان شي.
