د پنجشنبې په سهار شاوخوا نهه نیمې بجې د ننګرهار خوګیاڼو ولسوالۍ وزیرو سیمه کې د ملکي خلکو پر یو موټر چاودنه شوې.
دغه موټر د یو واده مراسمو ته په لاره و چې د سړک غاړې ماین پرې چاودنه کړې.
د ننګرهار د والي ویاند عطاءالله خوګیاڼی وایي، چاودنه کې یو ماشوم او شپږ میرمنې شهیدانې شوي او درې نارینه او یوه ښځینه ټپیان دي.
د ټپیانو روغتیایي وضعیت هم د اندېښنې وړ دی.
تر اوسه کومې ډلې د چاودنې مسؤلیت نه دی منلی.
