د بادغيس چارواکي وايي، د افغانستان د کومانډو ځواکونو څلوردېش مړي تېر ماښام له ابکمري ولسوالۍ مرکز قلعهنو ته لېږدول شوي دي.
د بادغيس د ولايتي شورا يوه غړي محمد ناصر نظري رسنیو ته ویلي، د قومي مشرانو په منځګړیتوب د ملي اردو د ۳۴ کومانډو ځواکونو جسدونه د ملي اردو لېوا ته لیږدول شوي دي.
دغه افغان کومانډو ځواکونه د دوشنبې په ورځ ناوخته د څلورو څرخي الوتکو په مرسته اب کمري ولسوالۍ ته د طالبانو پر ضد جګړې لپاره انتقال شوي وو.
د بادغیس والي بیا ویلي، عملیات له سیمه ییزې ادارې سره په همغږۍ نه و، پلان شوي.
طالبانو د برید مسولیت منلی او ویلي یې دي چې په برید کې ۳۵ زیات کومانډو سرتېري وژل شوي او ۱۶ نور نيول شوي دي.
