ولسمشر محمد اشرف غني وايي، د لنډ مهاله ادارې جوړول به یو بې مانا او بې ارزښته کار وي.
ولسمشر محمد اشرف غني د ترکیې ټي ار ټي ټلویزیون سره مرکه کې ویلي، طالبانو سره د خبرو له هوکړې وروسته به د لنډمهالې ادارې رامنځته کېدل یو بې مانا او بې ارزښته کار وي.
ښاغلي غني ګواښ کړی چې هیچاته به دا حق ور نه کړي چې دخلکو په خوښه راغلی انتخابي حکومت د سولې په معامله کې له منځه یوسي.
ولسمشر غني ویلي، د ولسواکه حکومتونو پیاوړتیا سره ثبات راتلای شي او که د خلکو په رایه منتخب نظام نه وي نو د ثبات راتګ ناشونی دی.
