ارزګان کې یکشنبې د هوايي بریدونو په مهال له پنځه دیرش زیات ملکي وګړي وژل شوي دي.
عملیات د یو طالب قوماندان ملا نصرالله او د هغه ملګرو لپاره شوي چې تازه له پاکستان راستون شوی وو.
عملیاتو کې طالب قوماندان ملا نصرالله او د هغه شپږ ملګري هم وژل شوي دي
د ارزګان مخکیني والي امان الله تیموري ویلي د ده د کورنۍ د غړو په ګډون په دغو عملیاتو کې همداراز له پنځه دیرش زیات ملکي وګړي وژل شوي دي.
امان الله تیموري وايي، د ګیزاب ولسوالۍ خلج سیمه کې لومړی بهرنیو ځواکونو د طالبانو پر مرکزونو چاپې وهلي چې وروسته د طالبانو له غبرګون سره مخ شوي دي.
د تیموري په وینا د طالبانو غبرګون له امله بهرنیو ځواکونو هوايي بریدونه کړي چې د ښځو او ماشومانو په ګډون یې له پنځه دیرش زیات ملکي وګړي وژلي دي.
د ارزګان ولایت مقام او امنیه قومندان محمد خطاب خنجري بیا د دې پېښي په تړاو نا خبري ښيي.
طالبانو بیا په دې تړاو څه نه دي ویلي.
