په مخابراتو وزارت وسلهوال برید پولیسو او عامو وګړو ته مرګ ژوبله واړوه.
کابل کې مخابراتو وزارت باندې د وسله والو ډله ییز برید له شپږ ساعته نښتې وروسته پای ته ورسید.
کورنیو چارو وزارت وایي، بریدګر څلور تنه و چې د افغان ځواکونو له لوري وژل شوي او د برید پرمهال دوه زره کسان ژغورل شوي دي.
په دې برید کې اووه ملکي وګړي او درې سرتېري وژل شوي او اته ملکي وګړي ټپيان دي.
مخابراتو وزارت له غرمې وړاندې تر برید لاندې راغی او شپږ ساعته څلور بریدګرو له افغان ځواکونو سره نښته وکړه.
بریدګر د مخابراتو وزارت له دروازې نه بلکې څېرمه یو زیارت د دروازې له لارې ننوتي او مرکزي پسته خانه کې ځای په ځای شوي و چې د شپږ ساعته نښتې په جریان کې د افغان ځواکونو له لوري ووژل شول.
طالبانو برید کې لاس لرل رد کړي او ځانمرګو بریدګرو سره د داعش وسله والو بیرغونه لیدل شوي.
د برید پرمهال افغان ځواکونه توانیدلي چې له مخابراتو وزارت څخه دوه زره کسان وژغوري او خوندي یې کورونه ته ولیږي.
کورنیو چارو وزارت وایي، برید کې څلور ملکي وګړي او درې سرتېري وژل شوي او اته ملکي وګړي ټپيان دي.
ولسمشرۍ ماڼۍ برید غندلی او انديښنه یې ښودلې چې د افغانستان دښمنانو پر ملکي مامورینو او عامه تاسیساتو برید کولو، وېرې او وحشت خورولو سره یو ځل بیا ثابته کړه چې له وژنو او جنایت پرته بله موخه نه لري.
