کندهار د یوه لوی لاریون کوربه و.
کندهار کې د سولې په ملاتړ لاریون وشو
دغه لاریون چې د پنجشنبې په ورځ د کندهار د شهېدانو څلور لارې نه بيا تر احمدشاهي لوبغالي پورې د سولې د هڅو په ملاتړ وشو، پهکې د کندهار سلګونو اوسېدونکو، دیني عالمانو، قومي مشرانو او مدني فعالانو په کې ګډون کړی و، د جګړې له ښکېلو لوریو د اوربند غوښتنه وشوه.
کندهار کې د سولې لپاره لاریونوالو پر حکومت غږ وکړ، چې د سولې پر وړاندې کورني خنډونه لري کړي.
دغه لاريون چې د کندهار سلګونو اوسېدونکو پکې ګډون کړی وو، د جګړې له ښکېلو لورو غوښتنه وکړه، چې لومړی دې پر اوربند فکر وشي او وروسته دې د سولې د شرطونو بحث او کار پیل شي.
لاريون د کندهار د سولې د ولایتې دفتر له لوري تنظیم شوی و.
لاريون کې ځوانانو، مېرمنو، قومي مشرانو او ديني عالمانو ګډون کړی و.
هغوی هم د سولې له روانو هڅو د ملاتړ ترڅنګ دوحه کې کېدونکې بېن الافغاني خبرو ته هيله مندي وښوده.
د کندهار اوسېدونکي داسې مهال د سولې د هڅو په ملاتړ لاریون کوي، چې د قطر غونډي ته د تلوونکي پلاوي سفر هم د ځینو دلايلو له امله ځنډول شوی دی.
