ټاکل شوې چې دوشنبې په ورځ یوځل بیا په قطر کې دطالب او امریکایي استازو ترمنځ خبرې پیل شي.
د پاکستان بهرنیو چارو وزیر شاه محمود قریشي ویلي چې دغه ناسته به دوشنبه بیا پيل شي.
قریشي ویلي چې نه غواړي دافغانستان په چارو کې لاسوهنه وکړي خو په افغانستان کې سوله غواړي.
تراوسه د امریکایي او طالب استازو ترمنځ په قطر کې پنځه ځلې ناستې شوي دي چې له افغانستانه د بهرنیو ځواکونو پر وتلو او له افغانستانه نړۍ ته د ګواښ په نه پېښولو خبرې شوي دي.
دافغان سولې لپاره د امریکا بهرنیو چارو وزارت ځانګړي استازي زلمي خلیلزاد د نننۍ غونډې په تړاو څه نه دي ویلي.
له دې سره د امریکا ځانګړي استازي زلمي خلیلزاد پر خپل ټوېټر د اوربند غږ کړی او ویلي یې دي چې د طالبانو مشران باید خپلو استازو ته اجازه ورکړي چې د اوربند په تړاو خبرې وکړي.
خلیلزاد ویلي، افغانان د اوربند غوښتونکي دي او امریکا یې ترڅنګ ولاړ دی.
د سولي خبرو پنځو پړاونو کې امریکا او طالبانو په اصولو کې موافقه کړې او ممکن په شپږم پړاو خبرو کې توافق باندې لاسلیک وشي.
ټاکل شوې وه د اپریل په پنځمه طالبان او امریکایان شپږم پړاو خبرو لپاره د قطر په میز بیا راټول شي خو اوس چې حکومت کار پیل کړی خپل مرکچي پلاوی و ټاکي د امریکا او طالب ناسته ورته
ځنډېدلې ده.
