افغانستان کې ۲۰۱۹ یو ځل بیا د خبریالانو لپاره خونړی کال یاد شو.
د ازادو رسنیو څخه دملاتړ بنسټ یا نی موندنې ښیې چې روان کال کې د خبریالانو په وړاندې د تاوتریخوالي کچه څلوېښت سلنه راټیټه شوې خو بیا هم لس خبریالان وژل شوي دي.
له دې سره د خبریالانو مالوماتو ته نه لاسرسی، فزیکي تاوتریخوالی او رسنیو کې داخلي ستونزې د خبریالانو د کار په وړاندې لوی خنډونه یاد شوي.
خو د کورنیو چارو وزارت مالومات ښيي چې روان کال د خبریالانو پروړاندې د تاوتریخوالي ۸۸ قضیې ثبت شوي دي.
د نی دا نوی راپور ښیي چې د خبریالانو سره د تاوتریخوالي ۱۱۵ قضیې له دوی سره ثبت شوي چې لس موارده يې بیلابېلو ولایتونو کې د خبریالانو د قتل دي.
خو کورنیو چارو وزارت د ثبت شویو قضیو شمېر اتیا یادوي چې ۱۰ خبریالان پکې وژل شوي او ۱۲ نور ټپيان دي.
د ازادو رسنیو څخه د ملاتړ مرکز اطلاعاتو ته لاسرسي برخه کې ۲۵۰ کسان پوښتلي چې له دې جملې پنځوس سلنه خبریالان دولتي ادارو څخه راضي نه دي چې په و خت مالومات ورسره شریک کړي.
