• English
  • پښتو
  • دری
logo png
  • کورپاڼه
  • افغانستان
  • نړۍ
  • اقتصاد
  • روغتیا
  • فرهنگ او هنر
  • لوبې
  • ټکنالوژي
  • ویډیوګانې
    • اوو بجو خبرونه
    • ځانګړې مرکه
    • تاوده بحثونه
    • محراق
    • راپورونه
پي.ټي.اېم: علي وزیر د محکمې له خوا تر خوشې کېدو وروسته بيا نيول شوی

پي.ټي.اېم: علي وزیر د محکمې له خوا تر خوشې کېدو وروسته بيا نيول شوی

شمشادنیوز by شمشادنیوز
2025/02/01

د پښتون ژغورنې غورځنګ مخکښ غړی علي وزیر د پنج‌شنبې پر ورځ محکمه کې پر نوموړي د لګېدلو تورنو په اړه له سپيناوي او برائت اخيستلو وروسته، د پاکستان امنیتي کسانو بيا ځل نيولی او د یوې بلې میاشتې لپاره یې زندان ته لېږدولی.

د پښتون ژغورنې غورځنګ غړي وايي، د بلوچستان د بلوڅ حب ضلعې انتظامي مشرې روحانې ګل کاکړ وړمه د عامه نظم د ګډوډۍ په تور د نوموړي د بیا نیول کېدو امر کړی.

د پښتون ژغورنې غورځنګ غړی ارشاد قرار وايي: «علي خان وزیر چې پرون په کراچۍ کې له یوې دروغجنې مقدمې عدالت برائت ورکړ، له هغو وروسته د یوې میاشتې بند تېرولو لپاره بیا ځل نیول شوی دی.»

د قرار په خبره، د حاجي عبدالصمد او ملک نصير کوکي ‌خېل په شمول د پښتون ژغورنې غورځنګ یو شمېر نور مخکښ غړي هم د پوځ له لوري په ناقانونه ډول نیول شوي او پرې د لګول شویو تورونو هېڅ ډول ثبوت نه دی وړاندې شوی.

ارشاد قرار په دې اړه وايي: « زموږ ډېر قدرمن مشر نصیر کوکي خېل په مختلفو زندانونو کې له بند تېرولو وروسته اوس په ټانګ زندان کې بندي دی. حاجي عبدالصمدخان په بنو کې ونیول شو او بیا پېښور او بېرته بنو او اوس چترال ته یوړل شو او همداسې په مختلفو زندانونو ګرځول کېږي. پولیس بې اختیاره دي او هر څه د پوځ په لاس کې دي. عدالت هم د پوځ په خوله کار کوي او په دروغجنو قضیو کې زموږ مشران زندانونو ته اچوي.»

د سیاسي چارو یو شمېر شنونکي وایي، د پاکستان پوځ د دې لپاره د پښتون ژغورنې پر غورځنګ فشار راوړي چې د هغوی په ګټه کار کولو ته یې مجبور کړي.

د دوی په خبره، د دې غورځنګ غړیو ته په کار ده چې د پاکستان امنیتي ادارو فشارونو ته تسلیم نه شي او خپلې ولسي برحقې مبارزې ته ادامه ورکړي.

د سیاسي چارو شنونکی عزیز معارج وايي: « په پاکستان کې هر حرکت، هر تنظیم، ګوند او ډله د آی.اېس.آی تر اغېز لاندې یا د هغوی په موافقه فعالیت کوي، خو په پي.ټي.اېم کې داسې کسان شته او په ځانګړې توګه د هغوی په رهبرۍ کې داسې مشران دي چې واقعا ً د پښتنو لپاره حقوق غواړي او مبارزه یې برحقه ده. له همدې امله د پاکستان پوځ دغه کسان د آی.اېس.آی په مشوره زندان ته اچوي، ترڅو تسلیم شي او د دوی لپاره کار وکړي او که څوک دا خبره ونه مني، د زندان موده یې په مختلفو پلمو سره اوږدوي. علي وزیر د دې ښه بېلګه ده او نورو مشرانو هم فشارونه دي.»

د پښتون ژغورنې غورځنګ مخکښ غړی علي وزير له شاوخوا شپږو مياشتو راهيسې په بېلا بېلو قضيو کې د ښکېلتیا په تور لومړی په اسلام اباد او بيا د پنجاب ايالت په بېلا بېلو زندانونو کې بندي شوی او له دوه نيمو مياشتو راهيسې بيا په بلوچستان ايالت کې بندي دی.

شریک یې کړئ

ShareTweetShareSendSend

Related News

کندهار کې د توتانو مېله؛ یو شمېر کسانو ته د عاید سرچینه برابره شوې
افغانستان

کندهار کې د توتانو مېله؛ یو شمېر کسانو ته د عاید سرچینه برابره شوې

مې 18, 2025
هرات کې د ورېښمو چینجي روزلو صنعت کمرنګه شوی
افغانستان

هرات کې د ورېښمو چینجي روزلو صنعت کمرنګه شوی

مې 18, 2025
د متقي پر مشرۍ لوړپوړی پلاوی د تهران خبرو اترو فورم کې د ګډون په موخه ایران ته تللی
افغانستان

د متقي پر مشرۍ لوړپوړی پلاوی د تهران خبرو اترو فورم کې د ګډون په موخه ایران ته تللی

مې 18, 2025
د تورخم ښارګوټي عمري پڼدغالي کې اداري کمپلیکس پرانیستل شو
افغانستان

د تورخم ښارګوټي عمري پڼدغالي کې اداري کمپلیکس پرانیستل شو

مې 17, 2025
امیر خان مقتي ایران ته په رسمي سفر ولاړ
افغانستان

امیر خان مقتي ایران ته په رسمي سفر ولاړ

مې 17, 2025
د یو شمېرهېوادونو ځانګړو استازو د افغانستان پر وضعيت بحثونه کړي
افغانستان

د یو شمېرهېوادونو ځانګړو استازو د افغانستان پر وضعيت بحثونه کړي

مې 17, 2025

وروستي خبرونه

کندهار کې د توتانو مېله؛ یو شمېر کسانو ته د عاید سرچینه برابره شوې

کندهار کې د توتانو مېله؛ یو شمېر کسانو ته د عاید سرچینه برابره شوې

مې 18, 2025
هرات کې د ورېښمو چینجي روزلو صنعت کمرنګه شوی

هرات کې د ورېښمو چینجي روزلو صنعت کمرنګه شوی

مې 18, 2025
هلمند کې ۷۶ سیمې د تاریخي آثارو په توګه ثبت شوې

هلمند کې ۷۶ سیمې د تاریخي آثارو په توګه ثبت شوې

مې 18, 2025
خوست کې د مهاجر فوټبال لیګ سیالۍ پای ته ورسېدې

خوست کې د مهاجر فوټبال لیګ سیالۍ پای ته ورسېدې

مې 18, 2025
د متقي پر مشرۍ لوړپوړی پلاوی د تهران خبرو اترو فورم کې د ګډون په موخه ایران ته تللی

د متقي پر مشرۍ لوړپوړی پلاوی د تهران خبرو اترو فورم کې د ګډون په موخه ایران ته تللی

مې 18, 2025
د افغانستان او روسیي ترمنځ بېلا بېلو برخو کې پنځه هوکړې لاسلیک شوې

د افغانستان او روسیي ترمنځ بېلا بېلو برخو کې پنځه هوکړې لاسلیک شوې

مې 18, 2025
logo png
Facebook Twitter Instagram Youtube

زموږ په اړه

 

له موږ سره اړیکه

 

د شمشاد ټلوېزیون بنسټ اېښودونکی

د شمشاد اپليکېشن

ios-ap
andoried

خبرپاڼه

    ۱۴۰۳ د دې ویب سایټ د ټولو مطالبو حقوق له شمشاد نیوز سره خوندي دي

    • زموږ په اړه
    • له موږ سره اړیکه
    • د شمشاد ټلوېزیون بنسټ اېښودونکی

    Add New Playlist