د ایران بهرنیو چارو له وزارته په خپره شوې خبرپاڼه کې ویل شوي، د ایران، پاکستان، چین او روسیې استازو د ملګرو ملتونو عمومي اسمبلۍ په څنډه کې ناسته کړې او په کې د افغانستان د روان وضعیت په اړه خبرې شوې او په دې اړه یوه ګډه خبرپاڼه هم خپره شوې.
د ملګرو ملتونو د ۷۹ مې سرمشرېزې په څنډه کې د افغانستان په اړه د ایران، روسیې، چین او پاکستان د بهرنیو چارو وزیرانو درېیمه ناسته ده، چې په کې افغانستان ته د سولې او ټیکاو پر راوستلو او له سرپرست حکومت سره د تعامل پر رامنځته کولو سلا مشورې شوې دي.
په دې ناسته کې د چین د بهرنیو چارو وزیر د افغانستان اقتصادي او امنیتي پرمختګ لپاره یو شمېر وړاندیزونه کړي.
د چین بهرنیو چارو وزیر وانګ يي ویلي: « لومړی، باید سیمه يیز ثبات رامنځته شي. له افغانستان سره د امنیت او ثبات لپاره باید د استخباراتي تجربو، امنیتي همکاریو او د قانون پلي کولو په برخه کې همکاري وشي. دویم، باید د افغانستان په بيارغونه کې له تنکسي نوښت څخه ګټه واخیستل شي. درېيم، افغانستان باید د جیوپولټیکي رقابتونو پر ځای د ټولو افغانانو لپاره خوندي هېواد وي او څلورم، نړیواله ټولنه باید د دغه هېواد بېړنیو اړتیاوو په پوره کولو تمرکز زیات کړي.»
ورته مهال، د ایران بهرنیو چارو وزیر په افغانستان کې د ټول ګډونه حکومت پر رامنځته کېدو او د بشري حقونو پر خوندیتوب د لوېدیځ ټینګار ته په اشارې ویلي، د ثبات زيانمنوونکو تحرکاتو ته دې اجازه نه ورکول کېږي.
سید عباس عراقچي د بشري حقونو پر رعایت د ټينګار ترڅنګ له افغانانو سره د بشري مرستو د دوام غوښتنه کړې.
عراقچي زیاته کړې: « موږ باید سیاسي تحرکاتو ته اجازه ورنه کړو. افغانانو ته د بشري مرستو په چمتوو کولو کې دې ګډه همکاري وشي. زموږ لوېدیځ شريکان باید پوه شي چې له بنسټیزو بشري مرستو د خلکو محرومول د بشري حقونو په برخه کې پرمختګ نه شي رامنځته کولی او په دې ډول د ښځو او نجونو حقونه نه خوندي کېږي.»
له بلې خوا، سرپرست حکومت د چین، روسیې، ایران او پاکستان درېیمې ګډې ناستې هرکلی کړی او د خبرو له لارې يې پر یو شمېر مسایلو بحث مهم بللی.
د اسلامی امارت مرستیال ویاند حمدالله فطرت وايي: « د روسیې، چین، ایران او پاکستان هېوادونو د هغه مثبت دریځ هرکلی کوو چې له اسلامي امارت سره خبرې او سیاسي ډیالوګ یې د حل لاره بللې. واقعیت هم همدا دی ډیالوګ د هېوادونو ترمنځ مثبتو تعاملاتو ته لاره جوړوي. موږ د خبرو له لارې پر رغنده سیاسي تعامل باور لرو او داسې له نورې نړۍ سره سمې ښې اړیکې غواړو لکه څنګه چې یې د سیمې له هېوادونو سره لرو.»
د سیاسي چارو یو شمېر کارپوهان له سرپرست حکومت سره د چین، ایران او روسیې تعامل ته په پام وايي، په سیمه کې له یادو هېوادونو سره د اړیکو دوام حیاتي دی.
د دوی په خبره، دغو هېوادونو د لوېدیځ پر خلاف د واقیعتونو په رڼا کې له سرپرست حکومت سره همکارۍ ته دوام ورکړی.
د سیاسي چارو شنونکی حکمت الله حکمت وايي: « زما په نظر د دوی دریځ تر ډېره د لوېدیځ د هغه دریځ پر ضد دی چې د ملګرو ملتونو په عمومي اسمبلۍ کې یې څرګند کړ. لوېدیځه نړۍ په یو اړخیزه توګه د شکایتونو او مغرضانه ثبوتونو په وړاندې کولو سره د افغانستان واقعیتونه تر پښو لاندې کوي؛ خو دا هېوادونه برعکس د افغانستان واقعیتونه مني او له افغانستان سره اړیکې لري.»
ایران، روسیې، چین او پاکستان یاده ناسته مثبته ارزولې او له سرپرست حکومت سره يې د نړیوالې ټولنې تعامل یوه اړتيا بللې.
د ایران بهرنیو چارو له وزارته په خپره شوې خبرپاڼه کې ویل شوي، د ایران، پاکستان، چین او روسیې استازو د ملګرو ملتونو عمومي اسمبلۍ په څنډه کې ناسته کړې او په کې د افغانستان د روان وضعیت په اړه خبرې شوې او په دې اړه یوه ګډه خبرپاڼه هم خپره شوې.
د ملګرو ملتونو د ۷۹ مې سرمشرېزې په څنډه کې د افغانستان په اړه د ایران، روسیې، چین او پاکستان د بهرنیو چارو وزیرانو درېیمه ناسته ده، چې په کې افغانستان ته د سولې او ټیکاو پر راوستلو او له سرپرست حکومت سره د تعامل پر رامنځته کولو سلا مشورې شوې دي.
په دې ناسته کې د چین د بهرنیو چارو وزیر د افغانستان اقتصادي او امنیتي پرمختګ لپاره یو شمېر وړاندیزونه کړي.
د چین بهرنیو چارو وزیر وانګ يي ویلي: « لومړی، باید سیمه يیز ثبات رامنځته شي. له افغانستان سره د امنیت او ثبات لپاره باید د استخباراتي تجربو، امنیتي همکاریو او د قانون پلي کولو په برخه کې همکاري وشي. دویم، باید د افغانستان په بيارغونه کې له تنکسي نوښت څخه ګټه واخیستل شي. درېيم، افغانستان باید د جیوپولټیکي رقابتونو پر ځای د ټولو افغانانو لپاره خوندي هېواد وي او څلورم، نړیواله ټولنه باید د دغه هېواد بېړنیو اړتیاوو په پوره کولو تمرکز زیات کړي.»
ورته مهال، د ایران بهرنیو چارو وزیر په افغانستان کې د ټول ګډونه حکومت پر رامنځته کېدو او د بشري حقونو پر خوندیتوب د لوېدیځ ټینګار ته په اشارې ویلي، د ثبات زيانمنوونکو تحرکاتو ته دې اجازه نه ورکول کېږي.
سید عباس عراقچي د بشري حقونو پر رعایت د ټينګار ترڅنګ له افغانانو سره د بشري مرستو د دوام غوښتنه کړې.
عراقچي زیاته کړې: « موږ باید سیاسي تحرکاتو ته اجازه ورنه کړو. افغانانو ته د بشري مرستو په چمتوو کولو کې دې ګډه همکاري وشي. زموږ لوېدیځ شريکان باید پوه شي چې له بنسټیزو بشري مرستو د خلکو محرومول د بشري حقونو په برخه کې پرمختګ نه شي رامنځته کولی او په دې ډول د ښځو او نجونو حقونه نه خوندي کېږي.»
له بلې خوا، سرپرست حکومت د چین، روسیې، ایران او پاکستان درېیمې ګډې ناستې هرکلی کړی او د خبرو له لارې يې پر یو شمېر مسایلو بحث مهم بللی.
د اسلامی امارت مرستیال ویاند حمدالله فطرت وايي: « د روسیې، چین، ایران او پاکستان هېوادونو د هغه مثبت دریځ هرکلی کوو چې له اسلامي امارت سره خبرې او سیاسي ډیالوګ یې د حل لاره بللې. واقعیت هم همدا دی ډیالوګ د هېوادونو ترمنځ مثبتو تعاملاتو ته لاره جوړوي. موږ د خبرو له لارې پر رغنده سیاسي تعامل باور لرو او داسې له نورې نړۍ سره سمې ښې اړیکې غواړو لکه څنګه چې یې د سیمې له هېوادونو سره لرو.»
د سیاسي چارو یو شمېر کارپوهان له سرپرست حکومت سره د چین، ایران او روسیې تعامل ته په پام وايي، په سیمه کې له یادو هېوادونو سره د اړیکو دوام حیاتي دی.
د دوی په خبره، دغو هېوادونو د لوېدیځ پر خلاف د واقیعتونو په رڼا کې له سرپرست حکومت سره همکارۍ ته دوام ورکړی.
د سیاسي چارو شنونکی حکمت الله حکمت وايي: « زما په نظر د دوی دریځ تر ډېره د لوېدیځ د هغه دریځ پر ضد دی چې د ملګرو ملتونو په عمومي اسمبلۍ کې یې څرګند کړ. لوېدیځه نړۍ په یو اړخیزه توګه د شکایتونو او مغرضانه ثبوتونو په وړاندې کولو سره د افغانستان واقعیتونه تر پښو لاندې کوي؛ خو دا هېوادونه برعکس د افغانستان واقعیتونه مني او له افغانستان سره اړیکې لري.»
ایران، روسیې، چین او پاکستان یاده ناسته مثبته ارزولې او له سرپرست حکومت سره يې د نړیوالې ټولنې تعامل یوه اړتيا بللې.
