د اسلامي امارت بهرنیو چارو وزارت وايي، د پاکستان د سېند ایالت له زندانونو ۳۶ تنه افغانان خوشې شوي دي.
د یاد وزارت مرستیال ویاند ضیاء احمد تکل پر خپله ټویټرپاڼه لیکلي، په اسلام آباد کې د افغانستان سفارت او کراچۍ کې د افغان جنرال کونسلګرۍ د هڅو پایله کې دا بندیان ازاد او په دولتي مصارفو خپل هېواد ته راولېږدول شول.
د یادونې وړ ده چې تر دې مهاله د پاکستان له بېلابېلو زندانونو ۲ زره او ٤٧٢ تنه افغان بندیان د اسلامي امارت په هڅو ازاد شوي او خپل هېواد ته را ستانه شوي دي.
