په سویډن کې قران کریم د سپکاوي په غبرګون کې اسلامي امارت افغانستان کې د یاد هېواد ټول فعالیتونه ودرول.
د اسلامي امارت ویاند ذبیح الله مجاهد پرخپله ټویټرپاڼه د یوې خبرپاڼې په خپرولو سره ویلي، وروسته له هغه چې په سویډن کې د قران کریم سپکاوی وشو او د مسلمانانو د عقیدې توهین اجازه ورکړل شوه، تر هغې چې د دې شوم عمل له امله له مسلمانانو بښنه نه وي غوښتل شوې، اسلامي امارت په افغانستان کې د سويډن هر ډول فعالیت د دریدو امر کړی دی.
په خبرپاڼه کې وړاندې ویل شوي، د اسلامي امارت اړوند ارګانونه مکلف دي چې د یادې لارښونې د تعمیل لپاره په عاجل ډول لاس په کار شي.
دغه راز په خبرپاڼه کې له نورو مسلمانو هېوادونو هم غوښتل شوي چې د سويډن د دې عمل پر وړاندې له هغه هېواد سره پر خپل تعامل غور وکړي.
