د خبرپاڼې یوه برخه:« دغه سفارت په مرحله یي ډول سره خپل معلومات تازه کوي او له ایټالیوي ټولنو سره یې شریک کوي. همدا رنګه په دې موده کې د سفارت مقام د ایټالیا له اړوند چارواکو سره، کابل ته د جسدونو د لېږدولو په اړه لیدنې کړې دي او پایله لري.»
د کابل ښار اوسېدونکي بیا وايي، دوی له ناچارۍ کډوالۍ ته مخه کوي او له دولته غواړي،چې په هېواد کې ورته کاري فرصتونه برابر کړي، ترڅو اړ نه شي،چې په غیر قانوني لارو مهاجرت وکړي.
دا په داسې حال کې ده،چې له دې وړاندې په بلغاریا کې هم په یوه کانټينر کې د ۱۸ افغان کډوالو جسدونه موندل شوي وو، چې په غیر قانوني توګه اروپا ته پر لاره وو.
اوس په ایټالیا کې د افغانستان سفارت په دې هڅه کې دی،چې هغه افغان کډوال چې لا درکه دي پیدا او جسدونه یې افغانستان ته انتقال کړي، خو دا یې نه دي ویلي، چې دغه مړي څه وخت هېواد ته رالیږي.
